By
Admin
/
Jun 19, 2021 //
Editor's Pick /
60,753 പേര്‍ക്ക് കൂടി കോവിഡ്; സജീവ കേസുകള്‍ രണ്ടര മാസത്തിന് ശേഷമുള്ള ഏറ്റവും കുറഞ്ഞ നിരക്കില്‍
ന്യൂഡൽഹി: രാജ്യത്ത് 60,753 പേർക്ക് കൂടി 24 മണിക്കൂറിനിടെ കോവിഡ് സ്ഥിരീകരിച്ചു. 97,743 പേർ കോവിഡ് മോചിതരാകുകയും ചെയ്തു.
നിലവിൽ രാജ്യത്ത് 7,60,019 പേരാണ് കോവിഡ് ബാധിതരായി ചികിത്സയിലുള്ളത്. 74 ദിവസത്തിനിടെയുള്ള ഇന്ത്യയിലെ ഏറ്റവും കുറഞ്ഞ സജീവ കേസുകളാണിത്. കോവിഡ് മുക്തി നേടുന്നവരുടെ നിരക്ക് 96.16 ശതമാനമായി ഉയർന്നു.
പ്രതിവാര ശരാശരി ടെസ്റ്റ് പോസിറ്റിവിറ്റി നിരക്ക് അഞ്ച് ശതമാനത്തിലും താഴെയാണ്. നിലവിൽ ഇത് 3.58 ശതമാനമാണ്. തുടർച്ചയായ കഴിഞ്ഞ 12 ദിവസങ്ങളിൽ പ്രതിദിന പോസിറ്റിവിറ്റി നിരക്ക് അഞ്ചു ശതമാനത്തിൽ താഴെ തന്നെയാണെന്നത് വലിയ ആശ്വാസമാണ് നൽകുന്നത്.
കഴിഞ്ഞ 24 മണിക്കൂറിനിടെ 1647 പേരാണ് കോവിഡ് ബാധിതരായി മരിച്ചതെന്നും ആരോഗ്യ മന്ത്രാലയം അറിയിച്ചു. ഇതോടെ രാജ്യത്ത് ഇതുവരെയായി കോവിഡ് ബാധിച്ച് മരിച്ചവരുടെ എണ്ണം 3,85,137 ആയി.
Related News
Comments