By
Admin
/
Jan 29, 2022 //
Editor's Pick /
അമേരിക്കയിൽനിന്ന് ദുബായിലേക്ക്; മുഖ്യമന്ത്രിയുടെ മടക്കം ഒരാഴ്ച കഴിഞ്ഞ്
തിരുവനന്തപുരം: അമേരിക്കയിൽ ചികിത്സകഴിഞ്ഞു മടങ്ങുന്ന മുഖ്യമന്ത്രി പിണറായി വിജയന്റെ യാത്രാ പരിപാടിയിൽ മാറ്റം. ദുബായിൽ എത്തുന്ന അദ്ദേഹം ഒരാഴ്ച യു.എ.ഇ. സന്ദർശിച്ച് വിവിധ പരിപാടികളിൽ പങ്കെടുക്കും.ദുബായ് എക്സ്പോയിലെ കേരള പവിലിയന്റെ ഉദ്ഘാടനം മുഖ്യമന്ത്രി നിർവഹിക്കും. അബുദാബി, ഷാർജ എന്നിവിടങ്ങളിൽ അവിടത്തെ മന്ത്രിമാരുമായി ചർച്ച നടത്തുന്നുണ്ട്. ഫെബ്രുവരി ഏഴിന് അദ്ദേഹം തിരുവനന്തപുരത്ത് മടങ്ങിയെത്തുമെന്നാണ് പ്രതീക്ഷിക്കുന്നത്. യു.എസിൽനിന്ന് അദ്ദേഹം ശനിയാഴ്ച എത്തുമെന്നാണ് നേരത്തേ അറിയിച്ചിരുന്നത്. ഫെബ്രുവരി 3, 4 തീയതികളിൽ ദുബായ് എക്സ്പോയിൽ പങ്കെടുക്കാനും വിവിധ ചർച്ചകളിൽ പങ്കെടുക്കാനും യു.എ.ഇ.യിലേക്ക് വീണ്ടും പോകാനായിരുന്നു നേരത്തേ തീരുമാനിച്ചിരുന്നത്.
Related News
Comments